Симфония Ангелу Хранителю

 

27 сентября, 20:30 — Симфония Ангелу Хранителю

Оркестр фестиваля «Зеркало в зеркале»

Дирижер — Андрес Мустонен (Эстония)

Солисты:

Андрес Мустонен (скрипка, Эстония)

Андрей Березин (виолончель, Россия)

Программа:

Гия Канчели  — Тихая молитва

Арво Пярт — Симфония № 4 — «Молитва Ангелу Хранителю»

Канон Ангелу Хранителю

Тропарь, глас 6

Ангеле Божий, храни́телю мой святы́й, живо́т мой соблюди́ во стра́се Христа́ Бо́га, ум мой утверди́ во и́стиннем пути́, и к любви́ го́рней уязви́ ду́шу мою́, да тобо́ю направля́емь, получу́ от Христа́ Бо́га ве́лию ми́лость.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен

Свя́тая Влады́чице, Христ́а Бо́га на́шего Ма́ти, я́ко всех Творца́ недоуме́нно ро́ждшая, моли́ бла́гость Его́ всегда́, со храни́телем мои́м а́нгелом, спасти́ ду́шу мою́, страстьми́ одержи́мую, и оставле́ние грехо́в дарова́ти ми.

Молитва к ангелу хранителю

Святы́й а́нгеле Бо́жий, храни́телю мой, моли́ Бо́га о мне.

Ангеле Христо́в святы́й, к тебе́ припа́дая молю́ся, храни́телю мой святы́й, прида́нный мне на соблюде́ние души́ и те́лу моему́ гре́шному от свята́го креще́ния,

Святы́й а́нгеле Бо́жий, храни́телю мой, моли́ Бо́га о мне.

аз же свое́ю ле́ностию и свои́м злым обы́чаем прогне́вах твою́ пречи́стую све́тлость и отгна́х тя от себе́ все́ми сту́дными де́лы: лжа́ми, клевета́ми, за́вистию, осужде́нием, презо́рством, непоко́рством, братоненавиде́нием, и злопомне́нием,

Святы́й а́нгеле Бо́жий, храни́телю мой, моли́ Бо́га о мне.

сребролю́бием, прелюбодея́нием, я́ростию, ску́постию, объяде́нием без сы́тости и опи́вством, многоглаго́ланием, злы́ми по́мыслы и лука́выми,

Святы́й а́нгеле Бо́жий, храни́телю мой, моли́ Бо́га о мне.

го́рдым обы́чаем и блу́дным возбеше́нием, имы́й самохоте́ние на вся́кое плотско́е вожделе́ние.

О, зло́е мое́ произволе́ние, его́же и ско́ти безслове́снии не творя́т! Да ка́ко возмо́жеши воззре́ти на мя, или́ приступи́ти ко мне, а́ки псу смердя́щему? Кото́рыма очи́ма, а́нгеле Христо́в, воззри́ши на мя, опле́тшася зле во гну́сных де́лех? Да ка́ко уже́ возмогу́ отпуще́ния проси́ти го́рьким и злым мои́м и лука́вым дея́нием, в ня́же впада́ю по вся дни и но́щи и на всяк час? Но молю́ся ти припа́дая, храни́телю мой святы́й, умилосе́рдися на мя гре́шнаго и недосто́йнаго раба́ твоего́ (имя), бу́ди ми помо́щник и засту́пник на зла́го моего́ сопроти́вника, святы́ми твои́ми моли́твами, и Ца́рствия Бо́жия прича́стника мя сотвори́ со все́ми святы́ми, всегда́, и ны́не и при́сно и во ве́ки веко́в. Ами́нь.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

 

Римско-Католический Кафедральный собор Непорочного Зачатия Девы Марии — улица Малая Грузинская, 27/13, стр. 1